Шевченко се согласи да го води Милан


Селекторот на украинската фудбалска репрезентација Андриј Шевченко е подготвен да го предводи Милан. Според порталот  „ТУТОмеркатоВЕБ“ 43-годишниот Украинец се согласува да се врати во миланскиот клуб, но не порано од ноември, затоа што тој најпрво сака да избори пласман на Евро 2020.

Шевченко, исто така, сака паралелно со тренерската работа во Милан, да продолжи д аја врши селекторската функција во Украина..

Како фудбалер, Украинецот настапуваше за Милан од 1999 до 2006 година и во сезоната 2008/09.

Со „росо-нерити“ Шевченко ги освои Серија А, Купот и Суперкупот на Италија, Лигата на шампионите и Суперкупот на УЕФА.

Во 2004 година, тој стана сопственик на „Златната топка“, а во дебитантската сезона стана најдобар стрелец во Серија А.