Шест лица убиени во училиште во Русија
Меѓу убиените има и две деца. Напаѓачот се самоубил
Вооружен маж отвори оган во училиште во централна Русија, при што загинаа најмалку шест лица, а беа повредени дваесет, соопштија руските власти.
Меѓу жртвите има ученици и чувар во училиштето во градот Ижевск, јавуваат руските медиуми.
Инцидентот се случил во училиштето број 88, во кое има речиси 1.000 ученици и околу 80 наставници.
Вооружениот напаѓач наводно се самоубил, а мотивот е нејасен. Службениците на итната помош се на местото на настанот.
Училиштето е во центарот на Ижевск, град со околу 650.000 жители, блиску до зградите на централната влада.
Наставниците и учениците се евакуирани.
Вооружениот напаѓач, наводно, бил вооружен со два пиштола „макаров“, според државниот пратеник цитиран од новинската агенција Тасс.