Шерон Стоун на Берлинале ја откри својата нова страст, ќе се изненадите
Шерон Стоун блесна на 74. Меѓународен филмски фестивал во Берлин. Актерката присуствуваше на доделувањето на почесната Златна мечка на Берлинале, која за животно дело ја прими американскиот режисер Мартин Скорсезе. Таа на Берлинале се појави во гламурозен аутфит на модната куќа Долче и Габана, бел макси фустан и обемна наметка која ја обви преку рамениците. Комбинацијата ја комплетираше со долги ракавици, чокер ланче и црна чанта со светки.
Ѕвездата на „Сурови страсти“ неодамна може да се пофали со ново достигнување во животот. Имено, на само неколку дена пред фестивалот, ги изложи своите уметнички дела во берлинската институција посветена на современата уметност, Galerie Deschler. Актерката ја откри својата страст за сликање во последните години и ги создаде сите нејзини дела за време на пандемијата на коронавирус. Таа по повод изложбата даде интервју за InStyle и блесна на насловната страна на магазинот. Во таа прилика таа проговори за тоа колку е скапо да се биде славен.
„Излегуваш на вечера, има 15 луѓе на масата, кој мислиш, кој мислиш дека ќе ја добие сметката и очекуваш да плати за сè? Секој пат кога ќе добиеш сметка од најмалку 3.000 долари за вечера. откри 65-годишниот добитник на Златен глобус. „Често се прашувам дали ќе заработам доволно пари за да продолжам да живеам како што живеам сега. Секако не“, додаде Шерон, чие моментално богатство како актерка е 60 милиони долари.
Шерон во 1998 година се омажи за новинарот и уредник Фил Бронштајн, со кого го посвои синот Рохан и купи куќа во Сан Франциско. Само три години подоцна имаше мозочен удар, по што не можела да оди, не гледала или слушала добро. „Закрепнувањето беше напорно, но се борев со сите сили за да се подобрам“, рече таа еднаш за тешкото искуство.
Таа се раздели од Бронштајн во 2004 година, по што следеше петгодишна битка за старателство над нејзиниот посвоен син, кој актерката на крајот го загуби. Додека се бореше за Рохан, кој денес има 23 години, таа ги посвои и 17-годишниот Квин и 18-годишната Лерд. Денес, пак, сите тројца живеат со неа во нејзината куќа и таа сама се грижи за нив. Тие се нејзината најголема сила, исто како и сликањето кое во последно време и го исполнува слободното време.