Шефицата на лондонската полиција поднесе оставка

Шефицата на лондонската полиција Кресида Дик поднесе оставка откако градоначалникот Садик Кан изјави дека не е задоволен од нејзината реакција на барањето да се направат промени во полициските сили со цел да се искорени расизмот, сексизмот и другите проблеми во полицијата.

Довербата во лондонската полиција во изминатите години е разнишана поради различни настани, како киднапирање, силување и убиство на жена, но и поради малтретирање, расна дискриминација и мизогинија во централната полициска станица во Лондон.

Кан истакна дека јасно и кажал на шефицата на лондонската полиција дека промените се итно потребни за да се врати довербата на граѓаните во полицијата и да се искорени расизмот, сексизмот,  хомофобијата, вознемирувањето, дискриминацијата и мизогинијата. Тој додаде дека не е задоволен од реакцијата на Дик и оти ја прифатил нејзината оставка.

Дик наведе дека немала друг избор освен да поднесе оставка.