Шарапова не е бремена, поради повреда нема да игра во Мадрид


Руската тенисерка Марија Шарапова, одговарајќи на прашања од фановите на Инстаграм, ги отфрлии шпекулациите дека е бремена.

– Дали сум бремена? Не, – напиша Шарапова.

Неодамна, поранешниот прв рекет на светот се повлече од турнирот во Штутгарт. Таа ќе го пропушти и турнирот во Мадрид од 4 до 11 мај, по што се појавија шпекулации дека е бремена.

Според Шарапова, причина за отсуството е недоволно време да закрепне од повреда на рамото.

За потсетување, 32-годишната Шарапова се состанува со британскиот милионер Александар Гилкс, основач на аукциската куќа „Падел 8“.