Шанел со колекција инспирирана од внуката на Грејс Кели – Шарлот Казираги е модна икона

Франција- Откако претходно ја избегнуваше јавноста, принцезата Шарлот од Монако и внука на холивудската легенда Грејс Кели со задоволство ја прифати улогата на амбасадор на брендот Шанел, како домаќин на книжевни настани, појавувајќи се на модните писти за време на ревиите . Сега француската луксузна куќа ја подигнува врската на следното ниво со колекција инспирирана од личниот стил на Казираги. Таа се појавува во предесенската кампања, фотографирана од францускиот уметник Смит, во облека, вклучително и тексас јакна со ватиран ефект и фармерки што ги носеше за време на шоуто на крузерската колекција на Шанел во Монако во мај.

„Шарлот ја отелотворува привлечноста на Шанел на многу автентичен и природен начин, а сето тоа останува верна на својот свет“, рече креативната директорка  Вирџини Вијард во соопштението.

„Вирџини ме познава уште од мала. Тоа е природно соучесништво за кое не треба објаснување“, рече Казираги.

Колекцијата, која пристигна во продавниците во вторникот, вклучува облека како што се костуми со широки панталони, класични комбинации, вечерни тоалети…

„Кога ја открив колекцијата, ги најдов работите што сакам да ги носам секој ден и во што навистина се чувствувам удобно“, коментира Казираги. „Важно е да можеш да бираш, да изразиш нешто различно во зависност од моментот.

Кампањата, целата во нијанси изветвена од сонцето, е придружена со краток филм поставен на песната „Фантом“ на францускиот кантавтор Сер Алис.

Нагласувајќи ги своите врски со музичарите во својата орбита, Шанел минатата недела ја започна, како што ја нарече летната турнеја на Шанел, со дводневен настан во својата сезонска поп-ап продавница во Сен Тропе, каде што прилагодено камперско комбе ги поздравува гостите.

Вториот дводневен настан започна во вторникот во шпанскиот град Марбеља, а требаше да има концерт на музичкото дуо Ибеји.