Семејствата на затворениците во Тексас бараат клими во затворите поради високите температури

Високите температури во поголемиот дел од Тексас ги натераа членовите на семејствата на затворениците да апелираат до властите да се погрижат сите затвори во државата да бидат климатизирани.

„Ги „варат“ нашите затвореници во затворскиот систем во Тексас“, рече Тона Саутардс Наранџо, која верува дека смртта на нејзиниот син Џон Саутардс минатиот месец била предизвикана од прегревање во затворот каде што бил затворен.

Само околу 30 отсто од затворите во Тексас се целосно климатизирани, а во затворите моментално се сместени повеќе од 128.000 затвореници.

Сепак, Одделот за кривична правда во Тексас вели дека нема смртни случаи поврзани со топли бранови во државните затвори од 2012 година.

Официјалните лица сè уште истражуваат што ја предизвикало смртта на Џон Саутардс, рече Аманда Хернандез, портпаролка на TDCJ.

Во изминатите неколку недели има осум смртни случаи за кои семејствата тврдат дека се поврзани со високите температури поради кои затворениците доживеале срцев удар.