Сега и Грција стана проблематична за Ковид 19

Грчката влада чувствуваше дека има мал избор освен да ги прифати калкулациите со отворање за туристите (Фото: АФП)

Поради зголемениот број позитивни случаи на Ковид-19 кај туристи што се вратиле од различни делови на Грција, Министерството за здравство на Кипар соопшти дека ја преместува Грција во втората категорија земји и за патување е задолжителен негативен тест.

Одлуката стапува во сила на 6 август, а до тогаш ќе бидат зголемени тестовите по случаен избор на туристите што на кипарските аеродроми пристигнуваат од Грција.

За земјите од втората категорија задолжителна е потврда за негативен молекуларен ПЦР тест направен 72 часа пред патувањето.

Во оваа група, согласно ажурираната листа што минатата седмица ја објави Кипар се Велика Британија, Белгија,  Франција, Италија, Шпанија, Хрватска , Холандија Чешка, Андора, Монако, Ватикан, Сан Марино, Австралија, Мароко, Руанда, Тајланд, Тунис, Уругвај и Кина, а од четврток се додава и Грција.