Седници на шест собраниски комисии
Во Собранието на Република Македонија денеска седници ќе одржат комисиите за одбрана и безбедност, за надворешна политика, за локална самоуправа, за транспорт врски и екологија, за финансирање и буџет и Законодавно-правната комисија.
На дневен ред на Комисијата за одбрана и безбедност, меѓу другото, ќе се расправа за Предлог – закон за изменување и дополнување на Законот за следење на комуникациите, Предлог-закон за изменување и дополнување на Законот за прометот на експлозивни материи, Предлог – закон за изменување и дополнување на Законот за заштита и спасување, како и Предлог на закон за изменување и дополнување на Законот за посебните права на припадниците на безбедносните сили на Република Македонија и на членовите на нивните семејства, сите во прво читање.
Пред членовите на Комисијата за надворешна политика латформата за дипломатските активности ќе ја претстави вонредниот и ополномоштениот амбасадор на Република С. Македонија во Република Хрватска, со седиште во Загреб, Милаим Фетаи. Комисијата ќе ги разгледа и Предлог на закон за ратификација на Технички аранжман меѓу Министерството за одбрана на Република Северна Македонија и Министерството за национална одбрана на Грција за заштита на воздушниот простор FIR SKOPJE (LWSS), како и Предлог на закон за ратификација на Договорот меѓу Владата на Република Северна Македонија и Владата на Република Србија за измена на Договорот меѓу Владата на Република Македонија и Владата на Република Србија за реципрочно признавање на возачки дозволи.
Седница ќе одржи и Комисијата за локална самоуправа, а на дневен ред е Предлог на стратегија за регионален развој на Република Северна Македонија 2020 – 2030.
Членовите на Комисијата за транспорт врски и екологија, пак, ќе во прво читање ќе го разгледаат Предлог – законот за изменување на Законот за поштенските услуги.
Во Собранието денеска ќе има седница и на Комисијата за финансирање и Буџет, на која ќе се расправа по Предлог- законот за изменување и дополнување на Законот за даночна постапка, Предлог-законот за изменување и дополнување на Законот за регистрирање на готовински плаќања, Предлог-законот за изменување и дополнување на Законот за придонеси од задолжително социјално осигурување, како и Предлог – законот за изменување на Законот за игрите на среќа и за забавните игри, сите во прво читање. На разгледување во второ читање на седницата на оваа комисија се и Предлог на закон за изменување и дополнување на Законот за Македонската банка за поддршка на развојот, по скратена постапка, Предлогот на закон за дополнување на Законот за финансирање на единиците на локалната самоуправа, по скратена постапка