Се снима моден трилер за Диор и Шанел-Менделсон и Бинош во главните улоги

САД- Аpple TV Plus го снима модниот трилер „The New Look“, на Тод А. Кеслер („Bloodline“) за метеорскиот подем на францускиот моден дизајнер Кристијан Диор, со Бен Менделсон („Bloodline“) и Жулиет Бинош („Англискиот пациент“).

Трилерот од Втората светска војна, „Новиот изглед“ се отвора во Париз окупиран од нацистите, кога завршува владеењето на Коко Шанел (Бинош) како познат светски моден дизајнер, а Кристијан Диор (Менделсон) се издигнува благодарение на неговите револуционерни креации.

„Новиот изглед“ се фокусира на клучниот момент во 20 век кога модните икони како Кристијан Диор му дозволија на Париз да го врати светот во живот по војната. Сагата ќе ја прикаже сложената врска на Диор со познатите дизајнери современици и ривали, на пример Коко Шанел, Балмен, Баленсијага, Живанши, Пјер Карден и Ив Сен Лоран, меѓу другите.

Кеслер, чии заслуги ги вклучуваат „Bloodline“, „Damages“ и „The Sopranos“, е сценарист, режисер и извршен продуцент на шоуто. Apple Studios ќе ја продуцира серијата кое ќе биде прва продукција од новоформираното телевизиско продуцентско партнерство на Лоренцо ди Бонавентура („Трансформери“, „Солт“) и Кеслер. Ќе продуцира и Марк А. Бејкер („Bloodline“, „The Night Of“, „Damages“).

Некои од клучниот тим ја вклучуваат Ана Зајбел, номинирана за Оскар продукциска дизајнерка на „Емили во Париз“, „Полноќ во Париз“ и „Марија Антоанета“. Се очекува да започне снимањето на серијата во француската престолнина напролет.

„The New Look“ е дел од големиот список на престижни проекти развиени и продуцирани од Apple Studios, вклучително и претстојната серија „WeCrashed“, базирана на хит подкаст со Џаред Лето и Ен Хатавеј, кои исто така се извршни продуценти; „Последните денови на Птоломеј Греј“, нова ограничена серија базирана на романот на Волтер Мозли со Семјуел Л. Џексон и Доминик Фишбек.

Менделсон е избран од WME и United Management, додека Бинош е избран од CAA. Бинош треба да присуствува на Берлиналето со „Двете страни на сечилото“ на Клер Денис (познато и како „Оган“) во кое глуми заедно со Винсент Линдон. (Варајати)