Се потрошија парите за субвенции за велосипеди во Скопје
Град Скопје соопшти дека денеска е затворен вториот јавен повик за субвенционирање на граѓаните за купување велосипеди за 2019 година бидејќи се исцрпени предвидените финансиски средства. Барања за субвенции за велосипеди од утре нема да се примаат во архивата на Град Скопје.
Вториот јавен повик за субвенции за велосипеди беше објавен на 26 јуни 2019 година и пристигнале над 670 барања.
На првиот јавен повик, пак, пристигнале 3.472 барања од граѓаните за субвенционирање на купувањето велосипед.