Се ожени пратеникот Мухамед Зекири, кум бил Заев

Пратеникот Мухамед Зекири се венча со поранешната директорка на телевизијата Алсат М, Бисера Јордановска.  Венчавката се случила во хотелот Double Tree by Hilton, каде потоа продолжила свадбената веселба.

Кум на свадбата бил премиерот Зоран Заев заедно со неговата сопруга Зорица Заева. На свадбената прослава присуствувале и блиските пријатели на Зекири и Јордановска, меѓу кои бројни новинари, нивни поранешни колеги, објавува „Фактор“ .

Мухамед Зекири во моментов е потпретседател на владејачката СДСМ и пратеник во Собранието. Претходно долги години беше главен и одговорен уредник на телевизијата Алсат М, како и новинар во неколку други медиуми во земјава.

Бисера Јордановска, пак, е поранешна директорка на Алсат М телевизија.

Ова е втор брак за Зекири кој од претходниот брак има две деца.