Се откажаа од отварањето: Нема да примаат туристи до крајот на 2020 година

На странските туристи нема да им биде дозволено да пристигнат пред крајот на 2020 година заради недоволно подобрување на состојбата со коронавирусот, изјави гувернерот на индонезискиот остров Бали, откажувајќи се од планот за отворање на островот за странци следниот месец.

„Ситуацијата во Индонезија не е доволно поволна за да им овозможи на странските туристи да ја посетат Индонезија, вклучително и Бали“, рече гувернерот на островот Вајан Костер во официјалниот документ даден во сабота.

Бали од крајот на јули отвори плажи, храмови и други атракции за индонезиските туристи, а локалните власти најавија дека ќе бидат подготвени повторно да примат странски туристи од 11 септември.

Сепак, планот е одложен поради зголемувањето на бројот позитивни случаи во Индонезија и поради ограничувањата за патувања во голем број на земји. Гувернерот на Бали нагласи дека е потребна голема грижа и претпазливост пред повторното отворање на островот и дека нема потреба да се брза. Тој не објави нов датум за отворање на островот пред странците. Џакарта им забрани на странците да влегуваат во Индонезија од почетокот на април.

Повеќе од шест милиони туристи го посетиле Бали во 2019 година, но посетата беше нагло запрена на почетокот на 2020 година поради пандемијата на коронавирус.

Бројни хотели и ресторани мораа да  затворат или да гонамалат персоналот и многу островјани се вратија на земјоделска работа откако ги загубија своите работни места во туризмот.

Пријавени се околу 4.000 позитивни случаи и 49 смртни случаи во Бали. Најмалку 6.680 луѓе починале во Индонезија и потврдени се 154.000 случаи. Експертите веруваат дека рамнотежата е многу поголема поради ограничениот број тестови извршени на архипелагот.