Се очекуваат безредија во Црна Гора на денот на изборите

epa06670738 Milo Djukanovic, leader of the Democratic Party of Socialists (DPS) and presidential candidate, and his wife Lidija, arrive to cast their vote at a polling station in Podgorica, Montenegro, 15 April 2018. The election campaign in the ex-Yugoslav country was focused on joining the European Union and NATO. EPA-EFE/BORIS PEJOVIC

Директорот на црногорската Управа на полицијата, Веселин Вељовиќ, тврди дека располагаат со оперативни податоци дека поединци и групи планираат предизвикување инциденти и немири на избирачките места на парламентарните избори во недела.

-Нашите сознанија укажуваат дека овие лица преку друштвените мрежи и други канали заговараат за време на гласањето и по затворањето на избирачките места граѓаните да излезат на улица, да предизвикуваат немири и да го нарушуваат јавниот ред, вели тој во изјава за Танјуг.

Тој наведе дека полицијата во сите градови ќе постапува одлучно и одговорно, а оние кои ќе се обидат да предизвикаат инциденти ќе бидат спречени и ќе понесат одговорност.

Парламентарните избори на 30 август ќе бидат 11-ти од воведувањето на повеќепартиски систем во Црна Гора, а петти по обнова на независноста во 2006 година.