Се чистат улиците од отпад во Општина Чаир
Општина Чаир информира дека нивните служби за одржување на јавната чистота се на терен и ги чистат улиците од фрлениот отпад.
Општинските служби за одржување на јавната чистота денеска работеа на улиците „Никола Малешевски“, „Август Цезарец“, „Ѓорѓи Поп Христов“ и „Методија Митевски“ во населбата Топанско Поле, на улиците „Максут Садик“, „Славеј Планина“ и „376“ во населбата Топаана, на улиците „Азем Хајдари“ и „Прохор Пчињски“ во населбата Дуќанџик.
Од Општина Чаир апелираат граѓаните да не фрлаат отпад и грижата за чиста животна средина да почне уште од најрана возраст, во семејството.