Се чека најмалку еден час за влез во Грција


Граничната полициска и царинската служба на граничниот премин „Богородица“ брзо ги извршува своите обврски и не дозволуваат подолго задржување на излез од земјава, изјавија за МИА од дежурната служба на ГП „Богородица“.

Колоните возила за разлика од вчера, денека беа подолги, меѓутоа на нашата страна од границата во функција се ставени пет ленти и преминувањето на границата се одвива брзо.

Евидентен е застојот на спротивната страна од границата каде се чека најмалку еден час за влез во Грција. Возилата со туристи кои чекаат да влезат во Грција се наредени во осум колони и се наоѓаат на педесетина метри од нашата граница, но се уште не е споена со возила.