СДСМ обвинува: ВМРО-ДПМНЕ ја партизира полицијата посочувајќи ја Струга

Објавувајќи фотографии преземени од Фејсук профилот на пратеникот на ВМРО-ДПМНЕ, Јован Јаулески, опозициската СДСМ обвинува дека владејачката партија го партизира МВР и бара од министерот Панче Тошковски да преземе санкции.

„Партизацијата којашто Панче Тошковски и ДПМНЕ ја спроведувата во МВР значи шиканирање и отпуштање професионалци на сметка на партиски војници кои работата за партијата а не за државата.

Еве ја партизацијата на безбедносните служби на дело. На фотографии од партиски состанок на ДПМНЕ објавени од Јован Јаулевски на Фејсбук јасно се гледа дека учествуваат и двајца полицајци од полициската станица Струга, меѓу нив и Ѓорѓи Стојанов, кандидат за командир.

Политички активности на полициските службеници се забранети со закон.

Еве шанса за Тошковски, ајде да видиме дали ќе поднесе иницијтива за нивно сакнционирање.

СДСМ го повикува и Одделот за внатрешната контрола и профеисонални стандарди при МВР да поведе дисциплинска постапка“, вели СДСМ во своето соопштение.