СДСМ: Мицкоски беше асистент кај својот татко. Тој ли ќе зборува за фалц професори

Владејачкиот СДСМ одговори на изјавите на лидерот на ВМРО-ДПМНЕ за експертите во телото на уставни измени дека се „срамел од нивниот срам“, велејќи дека Христијан Мицкоски е последниот што може да прозива правници и професори. СДСМ додава дека Мицкоски дипломирал кај наеговиот татко и му бил асистент, па затоа е неодговорно да зборува за „семејни стебла“

„Етикетите, навредите и омаловажувањата за правните експерти и професорите само ја покажува режимската матрица на Груевски во којашто е заглавен Христијан Мицкоски.
Мицкоски е последен кој може да зборува и да прозива професори или пак истакнати правници. Граѓаните знаат дека Мицкоски има дипломирано кај својот татко. Не само што дипломирал, туку бил и асистент кај својот татко, а згора на се кај него дури и се вработил.

Мицкоски сега ќе кажува за фалц професори? Па заради такви како него фалц професори УКИМ со години не може да се искачи погоре на Шангајската листа.

Дополнително Мицкоски е претседател на криминална партија ВМРО-ДПМНЕ чиј претходник, осуден криминалец, побегна од правдата во гепек.

Христијан Мицкоски нема образ за да се засрами, а досега ги има пропуштено сите шанси и да се извини пред граѓаните“, вели СДСМ.