СДСМ го обвини Чулев дека не ги спроведува мерките за епидемијата

СДСМ го обвини техничкиот министер за внатрешни работи, Наќе Чулев дека  единствено што му е важно како да го одбрани својот шеф, Христијан Мицкоски.

-Наместо да обезбеди спроведување на мерките за спречување на пандемијата и да ги заштити граѓаните, Чулев смислува начини како да го оправда скандалозното признание на Мицкоски, кој кажа дека се јавувал во внатрешната контрола, за да врши притисок за случајот “Теретана”.

Чулев, уште поскандалозно отиде до таму, што од позиција на прв човек на МВР кажа дека секој можел да се јавува кај вработени во МВР и да врши притисок за отворени истраги, со што го поткопува интегритетот на вработените во МВР и поттикнува ургенции и притисоци.

Очигледно е дека Христијан Мицкоски и ВМРО ДПМНЕ прават се’ да ја држат земјата во неизвесност и да создадат политичка криза.Мицкоски и ВМРО ДПМНЕ знаат дека нивното неодговорно и незрело однесување, посебно за време на коронакризата, ќе биде казнето од граѓаните, а Мицкоски ќе остане запаметен како политичар кој се обидува да профитира врз здравјето на граѓаните, стои во реакцијата на владеечката партија.н на коронавирусот наесен.