САД запреа испорака на пушки за Израел поради радикалните доселеници

Според извештаите на медиумите, САД не сакаат да испорачаат повеќе од 27.000 пушки наменети за израелската полиција. Администрацијата на претседателот Џо Бајден е загрижена дека оружјето може да заврши во рацете на радикалните доселеници на Западниот Брег, пишуваат „Волстрит џорнал“ и „Вашингтон пост“, цитирајќи неименувани владини претставници. Според тоа, претходните уверувања на Израел дека пушките – вклучувајќи ги моделите М4 и М16 – ќе останат само кај полицијата, не беа доволни.

Се вели дека американскиот Стејт департмент повикал на конкретни чекори за спречување на насилството врз Палестинците извршено од доселениците на Западниот Брег. САД стравуваат дека насилството на Западниот Брег може да доведе до регионален конфликт.

Откако терористите од Хамас и другите екстремистички групи од Појасот Газа убија околу 1.200 луѓе во нападите во израелската погранична област на 7 октомври, има зголемување на нападите на Западниот Брег. Насилството врз Палестинците таму достигна „невидено ниво“, рече Лин Хестингс, претставник на агенцијата за вонредни состојби на ОН OCHA за палестинските територии.

Десничарскиот екстремистички министер за полиција на Израел, Итамар Бен Гвир, веднаш по големиот напад на Хамас објави дека сака да опреми илјадници доброволци со автомати во пограничната област со Појасот Газа и на Западниот Брег. На собирање средства оваа недела, според Волстрит журнал, Бајден го повика министерот по име во говор и рече дека тој и „новите луѓе (…) не сакаат ништо што е оддалеку до решение за две држави“. Тие, исто така, сакаа одмазда не само против Хамас, туку и „против сите Палестинци“, додаде Бајден.