САД: Во Џорџија чекаа и по 10 часа во редица за да гласаат предвремено

Имаше долги редици гласачи во ноќта во Џорџија, а официјалните лица објавија дека рекордни 126.876 луѓе гласале откако предвременото лично гласање за општите избори беше отворено во понеделникот.

Имаше извештаи за некои технички грешки во системот на гласање, но официјалните лица за „Њујорк тајмс“ изјавија дека многучасовните чекања се поради големиот одѕив, со тоа што многу гласачи останаа без работа во државата што е големо бојно поле – претседателот Трамп ја освои Џорџија со 5 процентни поени во 2016 година. Џорџијанците исто така даваат гласови за две трки во Сенатот.

Најмалку два округа накратко имаа проблеми со електронските анкетни ливчиња што се користат за проверка на гласачите. Ова прашање го запре некое време гласањето во арената „Стејт фарм“, во Атланта. Гласачите кои го дадоа својот глас на кошаркарскиот стадион, кој се користеше како место за предвремено гласање, се соочија со долги чекања додека се поправи грешката.

Адриен Кроули, која чекаше повеќе од еден час да гласа, изјави за „Атланта џурнал конститјушн“ дека нема ништо што би ја натерало да излезе од редот за гласање. „Ќе седам цел ден ако треба за да гласам“.

На друго место во Атланта, некои гласачи пријавија дека чекаат повеќе од 10 часа за нивната шанса да го дадат предвремениот глас.

Стив Дејвидсон, кој е црнец, рече дека починатиот американски конгресмен Џон Луис и другите се бореле премногу долго и силно за да го обезбедат неговото место на гласањето за тој сега да каже дека е уморен и да си замине.

„Тие се бореа со децении. Ако морам ќе чекам шест или седум часа, тоа е моја должност. И среќно ќе го направам тоа“, рече Дејвидсон.

Џорџија е последната држава што гледа екстремно долги редови во текот на првиот ден на лично гласање. Изборните службеници, исто така, видоа невиден одѕив на гласачите на првиот ден од предвремено гласање во држави како Вирџинија и Охајо.

На национално ниво, повеќе од 9,4 милиони луѓе веќе гласаа, што е невиден број, според податоците собрани од Мајкл Мекдоналд, професор по политички науки на Универзитетот во Флорида.

Џорџија долго време се сметаше како републикански бастион, но многумина веруваат дека неодамнешните демографски промени ја направија поконкурентна држава. Неодамнешната анкета ги покажува Доналд Трамп и Џо Бајден се статистички изедначени во државата. (Аксиос)