САД велат дека Украина онеспособила повеќе од стотина руски цели со „висока вредност“
Руските жртви вклучуваат „илјадници“ поручници и капетани, „стотици“ полковници и „многу“ генерали, рече претставникот на Пентагон
САД оценуваат дека Украина „онеспособила повеќе од сто цели со висока вредност“, според висок претставник на американската одбрана. Повеќето цели беа на исток во последниве недели, бидејќи Украинците беа во можност да го подобрат своето прецизно таргетирање со употреба на артилерија обезбедена од САД.
„Овие напади постојано ја понижуваат руската способност да ги снабдува своите трупи, командата и контролата на нивните сили и да ја спроведуваат нивната нелегална агресивна војна“, изјави за новинарите во средата генерал Марк Мили, претседател на Здружениот Генералштаб.
Украинците „напаѓаат руски командни пунктови, складишта за муниција, места за противвоздушна одбрана, радари и комуникациски јазли и артилериски позиции со долг дострел“, рече претставникот. Ова придонесува за пошироката проценка дека Украина успеала да постигне напредок против руските сили. Сепак, САД исто така оценуваат дека Русија сè уште лансира „десетици илјади“ артилериски проектили дневно.
„Тие не можат да го задржат тоа засекогаш“, Русите „потрошиле многу паметна муниција … нивните способности стануваат поглупави“, истакна претставникот, додавајќи дека Русија сè уште не онеспособила ниту еден систем ХИМАРС, но веројатно е тие ќе имаат среќа и ќе го направат тоа во одреден момент.
Борбата за Доњецк „најверојатно ќе трае во текот на летото“ со тоа што Русија постигнува бавни придобивки по висока цена, рече претставникот.
Руските жртви вклучуваат „илјадници“ поручници и капетани, „стотици“ полковници и „многу“ генерали, рече претставникот. „Синџирот на команда сè уште страда“.
САД проценуваат дека Русија употребила речиси 85 отсто од својата армија во инвазијата на Украина.
Шефот на британската служба за надворешно разузнавање рече дека верува оти Русија би можела „да остане без пареа“ во Украина. „Мислам дека нашата проценка е дека на Русите ќе им биде сè потешко да снабдуваат материјал во луѓе во следните неколку недели“, изјави Ричард Мур, шеф на МИ6 за Си-Ен-Ен во четвртокот. „Тие ќе мора да паузираат на некој начин и тоа ќе им даде можност на Украинците да возвратат“, рече тој.
Мур рече дека по руската инвазија на Украина, европските земји преземале заеднички напори против руското разузнавање. „Повеќе од 400 руски разузнавачи кои работеа под дипломатско покривање сее протерани“, а тоа ја намали руската способност за шпионирање во Европа за половина“. (Си-Ен-Ен)