САД уништија 80 дронови и шест балистички ракети насочени против Израел

Американските сили, потпомогнати од ескадрони уништувачи од американската европска команда, уништија повеќе од 80 еднонасочни нападни дронови и најмалку шест балистички проектили насочени кон Израел од териториите на Иран и Јемен во изминатите два дена, објави Ројтерс, како што се наведува во соопштението на Централната команда на САД (ЦЕНТКОМ).

Меѓу погодените цели беа балистичка ракета која сè уште се наоѓала на нејзиниот мобилен систем за лансирање и седум беспилотни летала. Тие беа уништени на терен пред да бидат испратени кон Израел од територијата во Јемен контролирана од локалните бунтовници Хути.

Во текот на ноќта, Иран ја нападна израелската територија со повеќе од 300 беспилотни летала и проектили како одговор на наводниот израелски напад врз иранскиот конзулат во сириската престолнина Дамаск на 1 април, во кој загинаа високи команданти на иранскиот корпус на гардата на исламската револуција.

Францускиот претседател Емануел Макрон во понеделникот потврди дека Париз учествувал во спречувањето на нападот на Иран против Израел во текот на викендот, пресретнувајќи беспилотни летала „на барање на Јордан“ додека тие летале над неговиот воздушен простор.

Израел „успеа да ги запре речиси сите овие проектили и беспилотни летала. Само седум поминаа и имаше едно повредено лице повредено“, рече Макрон, нарекувајќи ја операцијата „победа на Израел“.

Макрон изрази загриженост за ескалацијата на Блискиот Исток и вети дека „ќе направи сѐ што е можно за да се избегне разгорување“, објавувајќи ги своите планови да разговара со израелскиот премиер Бенјамин Нетанјаху подоцна во текот на денот. Неговата цел: „Да го убеди Израел дека не треба да одговори со ескалација, туку со изолација на Иран“, преку санкции и засилена контрола на нуклеарните операции на Техеран.