САД претставија план за нуклеарна фузија: Светот може драстично да се промени
Американскиот специјален претставник за климата Џон Кери денеска го претстави меѓународниот план за нуклеарна фузија, велејќи дека технологијата без стакленички гасови може да биде критичен елемент за енергетската иднина на светот.
Кери рече дека планот вклучува 35 земји и се фокусира на истражување и развој, прашања за синџирот на снабдување и регулатива.
„Во фузијата постои потенцијал суштински да го промени нашиот свет“, рече Кери на климатскиот самит на ОН COP28 во Дубаи.
Технологијата за фузија сè уште е во развој, но може да има предност во однос на денешните централи за нуклеарна фисија бидејќи не создава радиоактивен отпад.
Велика Британија и САД на 8 ноември потпишаа договор за соработка во развојот на фузијата.