САД ќе паднат во рецесија – но не мораа, вели поранешниот главен економист на ММФ

„Речиси е невозможно ФЕД да ја намали инфлацијата без да ја турне американската економија во рецесија“, вели поранешниот главен економист на ММФ, Кен Рогоф. „ФЕД ќе треба да има многу среќа“, изјави Рогоф за CNN Business. „Тие треба да одлучат, или брзо ќе ја намалат инфлацијата или ќе не турнат во рецесија“, додаде тој. „Мислам дека тие само велат дека ќе ја намалат инфлацијата“, вели Рогоф.

Рогоф вели дека мисли дека ФЕД ќе го забави агресивното зголемување на каматните стапки. Професор по економија на Универзитетот Харвард рече дека е лут поради тоа што се случува со економијата.

„Мислам дека ова не мораше да се случи. Предолго ја притискавме педалата за гас“, вели тој.

Рогоф, исто така, ги посочува проблемите во синџирите на снабдување и војната во Украина како дополнителни причини за инфлациската криза, што според него е поголем предизвик отколку што сфатил ФЕД.

„Мислам дека треба да се движиме бавно, да оставиме инфлацијата да остане висока неколку години и да го решиме проблемот побавно. Нема лесен излез од ова“, заклучи Рогоф.