САД ќе дадат 78 милиони долари поддршка за македонската армија

Партнерството меѓу  Македонија и САД не значи само политичка поддршка, значи и соработка и поддршка во градењето и унапредувањето на способностите и капацитетите на нашата Армија, изјави министерката за одбрана Славјанка Петровска во врска со американската сојузничката поддршка во износ од 78 милиони долари, наменета за модернизација, опремување и унапредување на капацитетите на Армијата.

„Изминативе 30 години САД се нашиот стратешки партнер и сојузник во остварувањето на овие цели. Ја добивме веста за сојузничка поддршка од вкупно 78 милиони долари кои ќе се насочат во проектите потребни да ги достигнеме НАТО целите на способности и ќе ни овозможат уште поинтензивно да ги развиваме нашите капацитети – да се модернизираме, да се опремуваме, да имаме посилна сајбер одбрана. Модерна и напредна Армија“, вели министерката Петровска во изјавата.

Таа посочува дела Армијата нема време и во Армијата нема простор за деструкции и импровизации, бидејќи им служи на државата и на сите граѓани.