САД испраќаат уште еден носач на авиони во Средоземното Море

САД испраќаат уште еден носач на авиони во Средоземното Море откако Израел најави проширување на операциите против Хамас.

Пентагон одобри испраќање на носачот на авиони „УСС Двајт Д. Ајзенхауер“ и два борбени авиони за поддршка на Израел. Тие нема да учествуваат во битката, но „присуството на два од најмоќните бродови во морнарицата испраќа порака до Иран и Хезболах во Либан“, најави државниот секретар Лојд Остин, пишува Си-Ен-Ен.

Минатата недела кај брегот на Израел пристигна најголемиот носач на авиони во светот „УСС Џералд Р. Форд“ , кој неодамна беше во Сплит.

Носачот „Ајзенхауер“ може да носи повеќе од 60 авиони, додека „Форд“ може да прими повеќе од 75 авиони.

Американскиот претседател Џо Бајден посочува дека американската армија нема да се вклучи во борбата, но нејзиното присуство го поддржува Израел и намерата е да ги спречи другите групи во регионот да се приклучат на конфликтот и да го прошират.