САД и Канада изгубиле три милијарди птици за 50 години

САД и Канада изгубија повеќе од една од четири птици – вкупно три милијарди – од 1970 година, кулминирајќи во она што научниците кои објавија нова студија го нарекуваат „раширена еколошка криза“.

Истражувачите забележале пад на популацијата на птици од 29 отсто кај различни групи и живеалишта – од песнопојни птици, до оние што одат на долги миграции, како што се ластовиците и птиците од дворот, како врапчињата.

„Повеќе независни линии на докази покажуваат огромно намалување на птичјата популација“, рече Кен Розенберг, водечки автор на студијата и виш научник во лабораторијата за орнитологија на Корнел и американска конзервација на птиците.

Коавторот Адам Смит од Канада ги нарече наодите „повик за будење“.

Загубите на популацијата се во согласност со она што научниците го сметаат за голема загуба меѓу инсектите и водоземците.

Студијата, објавена во списанието „Сајанс“, не ја анализира причината за падот. Но, ширум светот се смета дека птиците умираат повеќе и имаат помалку успешно размножување затоа што нивните живеалишта се оштетени и уништени од земјоделството и урбанизацијата.

Истражувачите ги пресметале падовите со 10 години информации за птиците преселници од временските радарски станици и податоците за 50 години од земјата.

Ливадските птици се најмногу погодени, со намалување на популацијата од 53 отсто. Птиците од бреговите веќе беа во мал број и сега изгубиле повеќе од една третина од својата популација. Радарот на ноќното небо откри дека обемот на пролетната миграција е намален за 14 отсто само во последната деценија.

Домашните мачки, судирите со стакло и згради и падот на инсектите што птиците ги јадат – веројатно поради распространетата употреба на пестициди – исто така придонесуваат за намалениот број птици. И климатските промени ги комбинираат тие проблеми со менување на живеалиштата на птиците.

Не се намалил бројот на сите видови птици. Грабливките и оние птици крај водопадите го зголемиле својот број, веројатно поради фокусираните напори за конзервација, вклучително и со законот за загрозени видови.

Коавторот Мајкл Пар изјави дека спасувањето на птиците ќе бара промени во политиката, забрани за штетните пестициди и фондови за зачувување на птиците.

„Секој од нас може да направи придонес со секојдневните активности што заедно можат да спасат животи на милиони птици – активности како правење прозорци побезбедни за птиците, чување мачки во затворено и заштита на живеалиштата“, рече Пар. (Според агенциите)