Руски тенк уби двајца Американци, еден Канаѓанин и еден Швеѓанин во Донбас
Сите четворица биле дел од странските борци ангажирани во Територијалната одбрана на Украина
Двајца Американци, еден канадски и еден шведски државјанин беа убиени оваа недела кога руски тенк отвори оган врз нив за време на повеќечасовна битка на фронтот во источниот регион Донецк, потврди нивниот командант ексклузивно за „Политико“.
Руслан Мирошниченко, командант на странските борци, во саботата изјави дека убиените Американци се Лук „Скајвокер“ Лусизин и Брајан Јанг. Тој рече дека тие биле убиени заедно со Емил-Антоан Рој-Сироа од Канада и Едвард Селандер Патрињани од Шведска на 18 јули.
Тие биле дел од силите за специјални операции во рамките на Територијалната одбрана на вооружените сили на Украина, рече Мирошниченко. Нивната единица беше сместена во близина на Сиверск, град во источниот регион Доњецк кој беше цел на руската инвазивна сила.
Во обид да го забават напредувањето на Русија, странските борци беа распоредени во селото Хрихоривка, 3,5 километри северозападно од Сиверск. Таму, рече Мирошниченко, „момците имаа задача да ги заземат своите позиции за пукање“ и да ја исчистат клисурата каде руските сили работеа на преминување на река.
„Тоа го направија успешно. Но, на крајот од мисијата тие беа нападнати од руски тенкови“, рече Мирошниченко. „Првата граната го повреди Лук. Тројца момци, Едвард, Емил и Брајан, веднаш се обидоа да му помогнат на Лук, да му пружат прва помош и да го евакуираат од ова место. Тогаш втората граната ги уби сите“.
Портпаролот на Стејт департментот ја потврди смртта на двајцата Американци во петокот, но не ги именуваше. „Во контакт сме со семејствата и даваме секаква можна конзуларна помош. Од почит кон семејствата во ова тешко време, нема што да додадеме повеќе“, изјави портпаролот.
Канадската и шведската влада не можеа веднаш да бидат контактирани за коментар.
Руските трупи користеа воздушна сила, тенкови и тешка артилерија за да уништат цели градови и населени места во нивната обид за освојување на сите источни региони Луганск и Донецк. Странските борци биле испратени во областа за да ги зајакнат украинските трупи и биле одредени специјално поради нивните вештини и искуство.
Во извештајот на командирот се вели дека најмалку шест руски тенкови „биле поддржани од 4 оклопни транспортери со до 70 луѓе пешадија“.
Тие беа пречекани од украински митралези и војници на оклопни возила кои го запреа напредувањето на руските сили.
„Како резултат на двочасовните интензивни борби, непријателот се повлече со големи загуби“, се заклучува во извештајот.