Руската полиција доби забрана да патува во странство
Министерот за внатрешни работи Владимир Колоколцев ѝ забрани на полицијата да ја напушти Русија по најавата за мобилизација. Ова го пренесуваат неколку руски медиуми.
Телеграмскиот канал пишува дека наредбата за забрана за патување е потпишана на 23 септември. Според него, службениците на редот кои купиле авионски билети или тури по најавата за мобилизација нема да можат да ги користат.
На полицајците со пристап до државни тајни им било наредено да ги предадат своите пасоши.