Руската црква го блокираше издавањето на нови банкноти: „Намерна провокација“
Банката на Русија одлучи да престане да ја печати ажурираната банкнота од 1.000 рубљи и да не ја пушти во оптек. Нејзиниот изглед не ѝ се допадна на Руската православна црква
На 16 октомври во Русија официјално беа претставени новите банкноти во апоени од 1.000 рубљи и 5.000 рубљи. Во соопштението, Банката на Русија вели дека „банкнотите издадени во 2023 година се легално средство за плаќање во готовина на територијата на Руската Федерација и е обврзувачки да бидат прифатени по номинална вредност при плаќање за сите видови стоки и услуги без ограничувања. Модернизираните банкноти ќе се воведуваат постепено и ќе циркулираат на исто ниво со банкнотите од моделот од 1997 година“.
Банкнотата од илјада рубљи е посветена на Нижни Новгород и федералниот округ Волга. Нејзината задна страна ја прикажува кулата Сјујумбике во Казанскиот кремљ, која е крунисана со полумесечина, и палатата црква во Казанскиот кремљ, изградена во 17. век – сега Музеј на историјата на државноста на татарскиот народ и Република Татарстан. За време на ерата на СССР, во зградата била сместена кантина.
Но, на куполата на црквата нема крст. Ова предизвика бес кај православните свештеници. Поп Павел Островски на социјалните мрежи напиша дека повеќето Руси кои ќе ја користат банкнотата „не ја знаат историјата на Казанскиот кремљ“. „За нив едноставно ќе има храм без крст и минаре со полумесечина. Свештеникот предложил или дизајнерите на банкнотата „едноставно да не размислиле“ или тоа е „намерна провокација“.
Вахтанг Кипшиѕе, потпретседател на синодалниот оддел за односи меѓу црквата, општеството и медиумите на Московската патријаршија, изјави дека прикажувањето црковни згради без крст е вид на богохулење. Централната банка, рече тој, „имаше милион начини да покаже дека Казан е меѓурелигиски град, каде симболите на православието и исламот и сите традиционални религии совршено коегзистираат на јавниот простор“.Но, во случајот со новата банкнота „нема проблем“ затоа што зградата прикажана на банкнотата не е црква, туку музеј.
Во критиките на Централната банка се приклучија и Z-воените дописници. „Исламски симбол, а до него се куполи без глава. Според авторите на оваа гадост, дали Русија сега има такво лице?“ – напиша воениот дописник Јуриј Котенок. Тој во дизајнот на новата банкнота виде „јасна провокација и обид да се плука во лице на сите православни граѓани на Русија“.
Андреј Клишас, претседател на Комитетот на Советот на Федерацијата за уставно законодавство и градење на државата, сака да одржи јавна дискусија со учество на претставници на религиозни деноминации. Сенаторот сликата на храмот без крст ја смета за провокативна бидејќи „ме потсетува на темниот период на атеизмот“.
Во оваа ситуација, челниците на Банката на Русија одлучија на 18 октомври да ја повлечат новата банкнота. Проектот ќе се „рафинира“. Никој не ги ни споменува трошоците.