Руска ракета падна во Полска и уби две лица (Видео)
Паѓањето на руски ракети во земја-членка на НАТО драматично ја комплицира ситуацијата околу војната во Украина. Дали НАТО ќе го активира членот 5?
Два проектили или ракети погодиле фарма во Полска, во близина на границата со Украина. Полските медиуми објавија дека две лица загинале во вторникот попладне, откако проектил погодил област каде се суши жито во Пжеводов, полско село во близина на границата со Украина.
Не е јасно од каде потекнуваат проектилите.
Сепак, проектилите или ракетите паднаа приближно во исто време со рускиот ракетен напад врз западна Украина.
Владиниот портпарол изјави дека полскиот премиер Матеуш Моравјецки го свикал Комитетот на владата за прашања за национална безбедност и одбрана.
Портпаролот на полската влада Пјотр Мулер веднаш не ја потврди информацијата од висок американски разузнавач, кој сакаше да остане анонимен поради чувствителната природа на ситуацијата. Но, Мулер рече дека највисоките лидери одржуваат итен состанок поради „кризна ситуација“.
⚡️ Presumably – a video of the consequences of a landed missile in Poland.
— NEXTA (@nexta_tv) November 15, 2022
Прелиминарните сознанија на пожарникарите укажуваат дека до експлозијата дошло кога трактор со приколка натоварена со пченка дошол на вага. Противпожарната служба добила дојава за експлозија во 15.38 часот, на местото пристигнале пет спасувачки единици.
„Засега не се познати причините за експлозијата, полицијата истражува – слушнавме од спасувачите од Лублин“, пишува полскиот весник „Жечпосполита“.
Полските служби проверуваат различни верзии за експлозијата, меѓу кои и дека можела да експлодира воен проектил. Се проверуваат записи од радарските системи на армијата и Граничната стража.
На социјалните мрежи се појавија фотографии од местото на експлозијата, оштетен трактор и приколка, како и фрагменти кои може да укажуваат на елементи од тело на ракета.
Според објавите на некои полски новинари Украина ја соборила руската ракета со противвоздушна одбрана и нејзините делови паднале во Полска покрај границата. Некои пишуваат дека руската ракета погрешно била насочена кон Полска. Засега нема потврда за ниедна од овие шпекулации.
Паѓањето на руски ракети во земја-членка на НАТО драматично ја комплицира ситуацијата околу војната во Украина. Дали НАТО ќе го активира членот 5?
Погодена беше и соседна Молдавија. Има извештаи за големи прекини на електрична енергија откако ракетите го урнаа клучниот далновод што ја снабдува малата држава, рече официјален претставник.
Украинскиот претседател Володимир Зеленски рече дека Русија истрела најмалку 85 проектили, „повеќето од нив кон нашата енергетска инфраструктура“ и ја прекина струјата во многу градови.
„Работиме, сè ќе вратиме. Ќе преживееме сè“, вети претседателот. Неговиот министер за енергија рече дека нападот е „најмасовното“ бомбардирање на електроенергетските постројки во речиси 9-месечната руска инвазија, што ги погоди и системите за производство и пренос.
Министерот Херман Халушченко ги опиша ракетните напади како „уште еден обид за терористичка одмазда“ по воените и дипломатските неуспеси за Кремљ. Тој ја обвини Русија дека „се обидува да предизвика максимална штета на нашиот енергетски систем во пресрет на зимата“.
Воздушниот напад, кој резултираше со најмалку еден смртен случај во станбена зграда во главниот град Киев, следеше по деновите на еуфорија во Украина предизвикани од еден од нејзините најголеми воени успеси – повторното преземање минатата недела на јужниот град Керсон.
Енергетската мрежа веќе беше погодена од претходните напади кои уништија околу 40% од енергетската инфраструктура на земјата.