Русија негира дека нејзини војници убиле стотици цивили во Буча

Претходно денеска, францускиот претседател Емануел Макрон порача дека руските власти ќе мора да одговараат за овие злосторства. Со коментар излезе и шефот на НАТО, Јенс Столтенберг кој рече дека смртта на цивилите во Буча е „бруталност каква што не сме виделе во Европа со децении“.

Во одвоено интервју за Си-Ен-Ен, американскиот државен секретар Антони Блинкен ја нарече глетката на цивилни тела расфрлани по улиците на Буча како „удар во стомакот“.

„Не можете, а да не ги доживеете овие слики како удар во стомакот. Тоа е она што секојдневно се случува во Украина додека продолжува руската бруталност“, рече Блинкен.

Украинската војска вчера ја ослободи Буча, откако руската армија се повлече кон Белорусија. Новинарите и војската затекнале лешеви по улиците, од кои дел биле со заврзани раце зад грб. Властите соопштија дека во масовна гробница во Буча биле закопани 57 луѓе.