Русија не доби доволно поддршка за влез во Советот за човекови права на ОН

 На тајното гласање за избор на две нови земји-членки на Советот за човекови права, обидот на Русија да се врати во тоа тело  на ОН не успеа – Бугарија доби 160 гласа, Албанија 123, а Русија 83.

Другата оспорена трка беше во Јужна Америка и Карибите, каде Куба, Бразил, Доминиканската Република и Перу се бореа за три места, но Перу на крајот загуби.

Другите регионални трки не беа толку спорни. Кина, Јапонија, Кувајт и Индонезија се избрани да ја претставуваат Азија, додека Бурунди, Малави, Гана и Брегот на Слоновата Коска ќе ги заземат четирите позиции доделени на Африка. Франција и Холандија ќе ги заземат местата резервирани за земјите од Западот.

Гласањето се смета за клучен тест за напорите на Западот да ја задржи Москва дипломатски изолирана по нејзината инвазија на Украина. Поради нејзината инвазија на соседната земја пред 18 месеци, Русија беше исфрлена од Советот за човекови права на ОН со седиште во Женева.

Советот за човекови права на ОН е меѓународно тело за човекови права во системот на ОН што ја замени Комисијата за човекови права на ОН. Советот е помошно тело на Генералното собрание. Нејзиниот прв состанок се одржа на 19 јуни 2006 година.