Русија најави ковид пасоши


Русија – Жителите на Русија кои се вакцинирани против коронавирус од јануари 2021 година автоматски ќе можат да добијат пасош кој ја потврдува вакцинацијата, изјави министерот за здравство Михаил Мурашко.

– Планирано е во јануари, на веб-страницата за државни услуги, да биде достапна можноста, меѓу другото, автоматски да се добие пасош за вакцинирано лице со внесување лични податоци, рече Мурашко на состанокот на владиниот координативен совет за коронавирус.

Тој исто така рече дека 80 проценти од вкупниот број заразени со коронавирус во Русија, или околу 900.000 луѓе, се лекуваат дома.

Мурашко посочи дека во последните денови се забележува позитивна динамика и дека бројот на заразени е намален за четири проценти.

Во Русија денеска се регистрирани уште 27.002 случаи на коронавирус.

Од почетокот на пандемијата во Русија, заразени се 3.105.037 лица со Ковид 19.