Русија ги вади резервите да ги надополни загубите во опрема

Русија презема мерки за надополнување на „значителните загуби“ на воена опрема за време на нејзината инвазија на Украина, соопштија украинските вооружени сили во најновото оперативно ажурирање.

Се наведува дека според достапните информации, 17 тенкови и 60 воени возила БМП-1 биле извадени од складиштето во Русија во периодот од 27 април до 2 мај и биле испратени на украинските територии окупирани од руските војници.

Ажурирањето, исто така, вели дека Русија продолжила да го гранатира североисточниот град Харков и блиските населби.

Украинските вооружени сили соопштија дека одбиле 12 руски напади во регионите Донецк и Луганск, уништувајќи шест тенкови, пет артилериски системи, 22 оклопни борбени возила и осум возила.