Руси бегаат со приватни авиони за Дубаи, откако Путин се закани дека ќе расчисти со предавниците

Русија– Четири приватни авиони ја напуштија Русија во четвртокот за Дубаи, откако рускиот претседател Владимир Путин вети „самочистење“ на руското општество.

Данскиот аналитичар Оливер Александар ги набљудувал четирите авиони кои заминувале од Москва за Дубаи во четвртокот наутро користејќи ја услугата за следење летови FlightRadar24. Тој тоа го опиша како „егзодус“.

Не е јасно кој се наоѓал во авионите и каква причина имале тие да се упатат кон Дубаи, кој, за разлика од западните дестинации, не го забрани рускиот воздушен сообраќај.

Приватни авиони, исто така, беа видени како од Русија во Израел на почетокот на овој месец, бидејќи западните санкции кон руските олигарси стапија на сила.

Илјадници луѓе се обидоа да ја напуштат Русија откако таа ја започна својата инвазија на Украина на 24 февруари, претходно објави Инсајдер, плашејќи се каков ќе биде животот таму бидејќи таа е се поизолирана од остатокот од светот.

Некои Руси кои заминаа ѝ кажаа на Софија Анкел од Инсајдер дека заминале затоа што се плашеле од притвор и други репресии во земјата, а исто така се плашеле и од економската ситуација во Русија откако толку многу земји воведоа санкции поради инвазијата.

Путин во говорот во средата рече дека Русија мора да претрпи „само-чистење на општеството“ по нејзината инвазија на Украина.

Тој рече: „Колективниот Запад се обидува да го расцепи нашето општество, шпекулирајќи за воени загуби, за социо-економските ефекти од санкциите, со цел да предизвика бунт на народот во Русија“.

Тој изгледаше како да им се заканува на луѓето кои не ја поддржуваат владата: „Но, секој народ, особено рускиот народ, може да ги разликува вистинските патриоти од копилињата и предавниците и ќе ги плука“.

„Сигурен сум дека ова неопходно и природно самочистење на општеството само ќе ја зајакне нашата земја, нашата солидарност, заедништво и нашата подготвеност да одговориме на сите повици за акција“, продолжи тој.

Во говорот, Путин се чини дека има на ум богати, прозападни Руси, истакнувајќи ги оние со имот во Франција или САД кои се навикнати да јадат остриги и паштета од кавијар.