Rriten shanset që një shqiptar të jetë guvernator


Ne nuk do ta pranojmë Bogovin si guvernator, tha zëvendës kryeministri për integrimin evropian Bujar Osmani në 24 Analiza në Tv 24.

“Në këtë rast, kemi pasur zgjidhjen më të mirë profesionale për këtë pozitë me njohje vendore dhe ndërkombëtare dhe menduam se Fatmir Besimi është zgjidhja më e mirë për suksesin e atij institucioni.

Ne nuk do të mbështesim propozimin e njëanshëm të Ivanovit, ne mbetemi në mendimin se Besimi është zgjidhja më e mirë dhe ne do të përpiqemi të bindim partitë se kjo është zgjidhja më e mirë”, thotë ai, përcjell Flaka.

Propozimi i Ivanovit e komplikon bashkërendimin, ai duhej të fillonte nga koordinimi themelor i LSDM-së, por vendosja e një zgjidhjeje partiake nga Ivanovi e bëri komunikimin të vështirë, thotë Osmani.

BDI vazhdon të besojë se Fatmir Besimi, i cili është aktualisht këshilltar i kryeministrit, është zgjidhja më e mirë për një guvernator të ardhshëm. Televizioni 24 mëson se Besimi sot është takuar me Ali Ahmeti në Parlament. Nëpërmjet një mesazhi telefonik, ai ka thënë se me Ahmeti nuk e kanë diskutuar punën e guvernatorit.