Романтичен замок во Италија кој „плови на езерото“: Беше инспирација за Стендал и Гете (Фото)

Прекрасниот замок Скалигер се наоѓа во италијанскиот град Сирмионе.

На езерото Гарда, во Италија, во градот Сирмионе, се наоѓа познатиот и прекрасен замок Скалигер, изграден од семејството од кое го наследил името во 13 век. Исклучително е сочуван, а поради специфичниот начин на градба изгледа како да плови на езеро.

Сирмионе се наоѓа на југот на езерото Гарда, на половина пат помеѓу Бреша и Верона, што го прави идеална почетна точка за истражување на Ломбардија и Венето. Во близина е и забавниот парк „Гардаланд“, до кој може да се стигне за помалку од половина час со автомобил.

Историскиот град се наоѓа на мал полуостров кој го дели долниот дел од езерото Гарда. Уште од античко време, Сирмионе е обожувано место за богатите луѓе од соседството кои доаѓале таму да уживаат во прекрасната атмосфера и глетка, како и во лековитите термални води.

Познатата сопранистка Марија Калас го препознала како идеално место за живеење, а овој мал град на издолжен полуостров со својата извонредна убавина, тесни камени улици и романтична атмосфера ги инспирирал писателите како Стендал и Гете.

Во Сирмионе доминира замокот Скалигер, кој бил изграден од семејството од кое го добило името во 13 век. Исклучително е сочуван, а поради специфичниот начин на градба изгледа како да плови на езеро.

Импозантните кули и пешачки мостови под нив прават незаборавна глетка. Пештерите Катул се исто така една од атракциите. До урнатините на античка римска вила и мал музеј, има маслинови градини и плажа со бројни ресторани и кафулиња.