Романија: Најмалку 15 луѓе спасени од планинските области – снежната бура прави проблеми

Најмалку 15 лица беа спасени во претходните 24 часа во романските планински области, а пет мораа да бидат хоспитализирани.

Според спасувачката служба Салвамонт Романија, во претходните 24 часа Салвамонт примил 15 повици во кои била побарана итна интервенција на спасувачите, објавено е на веб-страницата на организацијата.

Најмногу повици добиле службите во областите Воинеас и Северин Семеник, објави Аџерпрес.

Исто така, поради снежната бура затворени се и националните патишта во источна Молдавија во Романија, соопшти регионалната дирекција за патишта. Како што е наведено, патиштата се затворени во областите Јаши, Ботошани, Васлуј, Њамц, Бакау, Галати и Браила.

Снежната бура предизвика и прекин на железничкиот сообраќај на станицата во општина Марашешти, во областа Вранча.

Поради снежната бура се случија неколку сообраќајни незгоди во кои неколку лица се повредени.