Романија: Бројот на жртвите од ковид надмина 50.000

Бројот на загинати од Ковид-19 во Романија ја помина границата од 50.000 во петокот, 5 ноември, додека земјата сè уште се бори со четвртиот бран на пандемијата. Вкупно 483 смртни случаи се пријавени во изминатите 24 часа, со што вкупниот број достигна 50.087.

Според официјалниот извештај, 433 од 483 пациенти биле невакцинирани.

Вкупно 8.268 нови случаи на инфекција се потврдени во изминатите 24 часа од 57.801 тестови. Најголем број дневни случаи е забележан во Букурешт.

Според истиот извештај, вкупно 19.013 пациенти со Ковид-19 се хоспитализирани во Романија, а 1.877 од нив се лекуваат на одделенијата за интензивна нега.