Ролан Гарос: Ѓоковиќ фуриозно до рекордна 23. грен слем титула

Српскиот тенисер Новак Ѓоковиќ по трет пат во кариерата го освои Ролан Гарос, а во финалето го победи Норвежанецот Каспер Руд со 7:6(1), 6:3, 7:5 за рекордна 23. Грен слем титула.

Со тоа Ѓоковиќ стана рекордер по бројот на грен слем титули во историјата. Пред Ролан Гарос ситуацијата на врвот беше изедначена. Ѓоковиќ и Надал имаа по 22 победи на еден од четирите најголеми турнири, додека сега сам Ѓоковиќ е на врвот. Роџер Федерер има 20 Грен слем круни во кариерата.

 

Норвешкиот тенисер подобро го отвори мечот и поведе со 3:0 и 4:1. Сепак, тој не успеа да ја задржи брејк предноста до крајот на сетот. Голема и исцрпувачка борба траеше во секој гем од продолжението од првиот сет, со тоа што Руд имаше мала шанса за водство од 5:4 кога водеше со 30:0 на сервис на противникот.

 

Сепак, прашањето кој беше подобар во првиот сет беше решено во тај-брејкот, каде Руд уште на стартот направи неколку големи грешки, а сите ги искористи Ѓоковиќ за убедливи 7:1.

 

Секој играч по еднаш му одзеде сервис на противникот, при што Руд имаше повеќе брејк можности (4:2). Сепак, во остатокот од мечот Руд беше прилично безопасен на сервис на противникот и ниту еднаш до крајот на мечот не беше во позиција да направи брејк.

 

Веднаш на стартот од вториот дел Ѓоковиќ побегна на 3:0 и не ја испушти предноста, додека во третиот сет Норвежанецот подолго време се држеше. Повторно се водеше рамноправна и жестока борба за секој поен, до 5:5 кога Ѓоковиќ направи брејк без загубен поен, а потоа го потврди брејкот за ново славје на париско тло.