Родители од Хамбург си го заборавиле во такси тукушто роденото бебе

Родители своето новородено бебе по излегувањето од болница го заборавиле во такси. Пристигнале пред нивната куќа, го напуштиле возилото, но го заборавиле бебето, објави германската полиција.

Кога сфатиле за пропустот, таткото на бебето веднаш реагирал, но возачот на такси возилото не го забележал бебето.

Возачот не бил свесен дека во неговото возило има и бебе, па паркирал во подземна гаража и отишол на ручек.

Потоа возачот отишол по следен клиент, па тој го забележал тукушто роденото бебе во такси возилото.

Повикана била полиција која повторно бебето го вратила кај родителите и нејзината сестра.