Родилка од Скопје позитивна на корона вирус

26/04/2020 14:17

На денешната прес-конференција министерот Венко Филипче  соопшти дека денеска се оздравени рекорден број на заболени – 126.

-Ова е највисоката бројка на оздравени, и се надевам дека овој тренд ќе продолжи, рече Филипче.

Тој посочи дека за жал се регистрирани и двајца починати.

-Пациентка од Липково (Куманово) на 49 години, примена на 3 април со потешкотии во дишење и веднаш поставена на респиратор и 73 годишен пациент од Скопје, примен на 19 април во многу тешка општа состојба,  рече Филипче.

Тој истакна дека на Инфективната клиника се примени нови три пациенти, од кои една родилка од Скопје.

Министерот исто така најави дека ќе препорача на Владата веднаш да почне казнувањето место прво да се дава опомена за неносење маска, бидејќи било забележано големо прекршување на оваа препорака деновиве.

„Ќе предложиме санкции за неносење заштитна опрема да почнат веќе од утре или од вторник. Оваа мерка мора да се почитува. Сакам да им се заблагодарам на граѓаните што ги почитуваат овие мерки, кои, како што гледаме, даваат резултат. Со примената ќе превенираме и ќе го држиме процесот под контрола“, изјави Венко Филипче, министерот за здравство.

Поврзани содржини

Тошковски: СВР Охрид е спремен за справување со безбедносните предизвици кои ги носат изборите
ДКСК повторно одлучи во корист на Силјановска, АСЈО треба да ја стави во мирување постапката за прием на 130 слушатели
Изменет режим на сообраќај во Скопје во сабота и во недела – се одржуваат политички митинзи
Културните работници на протест ја бараа ветената 12 отсто зголемена плата – министерката попладнево им ја овозможи
Нови 46 случаи на голема кашлица од 12 до 18 април, хоспитализирани девет лица
„Анима Мунди“ објави листа со барања до партиите
СДСМ ветува поголема пензија, енергетски додаток од 15.000 и зимски регрес до 6.000 денари годишно,
Во високообразовните установи работат 4.656 наставници и соработници

Најчитани