Ријана со нови чевли за празниците: Секси и женствени како неа

САД- Ријана ги започнува празниците со нови чевли.

Мултиталентираната пејачка, текстописец, актерка и моден претприемач ја промовираше својата втора соработка за чевли „Фенти“ со дизајнерката Амина Муади, насловена како „11-20“. Колекцијата има четири нови стилови: патики, салонки и два вида сандали.

„Сакав да создадам чевлишто ги дефинираат музата и брендот: силна, но рафинирана и женствена“, рече Муади, чија летна колекција со Фенти беше распродадена.

Новите стилови, чија цена се движи од 700 до 740 долари, се достапни од вчера на fenty.com. Дизајните подоцна ќе бидат достапни на Farfetch и levelshoes.com, почнувајќи од денес, иако многу од нив се веќе распродадени на веб-страницата Fenty.

Во меѓувреме, Ријана продолжува да го шири своето модно портфолио. Таа го сврте вниманието на јавноста во 2017 година кога ја лансираше Fenty Beauty, која понуди основа во 40 тонови на кожата. Една година подоцна, таа беше пофалена за нејзиниот бренд за долна облека Savage X Fenty и разновидниот избор на модели, големи понуди и модна ревија што се натпреваруваше со екстраваганцијата на Victoria’s Secret. (Брендот на Ријана оттогаш се прошири и на машките колекции.) Нејзиниот следен моден потфат беше партнерство со LVMH Moët Hennessy Louis Vuitton, формирано во 2019 година. Ријана го додаде Фенти Скин во колекцијата минатото лето. Имаше соработка и со Диор, Маноло Бланик, Стенс чорапи, Пума и River Island.