Рене Зелвегер, Оскаровка, а сега номинирана за Греми? И таа е изненадена

САД-Рене Зелвегер се кикоти кога се присети прв пат кога запеа во филм. За „Empire Records“ од 1995 година, таа се качуваше на покривот покрај музичарот Којот Шиверс, нејзиниот глас беше груб и испукан додека ја имитираше Кортни Лав со песната наречена „Sugar High“.

Никој не би претпоставувал дека, 25 години подоцна, Зелвегер ќе биде номинирана за нејзиниот прв Греми. Од нејзината оскаровска турнеја како Џуди Гарланд во минатогодишната „Џуди“ за која улога доби Оскар, нејзината работа на саундтракот на Decca се најде во традиционалниот поп-вокален албум, заедно со Бурт Бачарач и Даниел Ташијан, Хари Коник џуниор, Џејмс Тејлор и Руфус Вејнрајт.

Зелвегер (51) се колне дека не е пејачка, но исто така не е ни нова. Таа започна да ги изострува своите вокални рифови како Рокси Харт во филмската адаптација на мјузиклот „Чикаго“ на Роб Маршал од 2002 година. Се избори за Боб Дилан и Вуди Гатри – да, навистина – во „My Own Love Song “ во 2010 година. (И таа беше совршена во „Дневникот на Бриџит Џоунс“.)

Но, во „Џуди“, Зелвегер ја зачуди публиката и критичарите со нејзините вокални способности во интерпертација на класиците на Гарланд.

Се изненадивте за номинацијата за Греми?

-Секако, не очекував. Ќе видиме што ќе биде.

Како го опишувате вашиот вкус за музика?

-Тоа е прилично огромно и еклектично. Елвис Присли, Том Џонс, Квин, Битлси. Моите родители се од Европа, а моите братучеди во Норвешка и Австралија беа тинејџери кога бев многу мала, па тоа донесе секакви нови откритија. Тогаш живеев во Остин [Тексас] во 90-тите, па можете да замислите. Јас пораснав во 80-тите, па ги слушав Крафтверк, Аба и Ролинг Стоунс.

Кои актери ги сметате за добри пејачи?

-Синтија Ериво. Квин Латифа. Хари Коник помладиот, Хју Џекман, Хју Грант, Кетрин Зета-Џонс, Јуан Мек Грегор.(Лос Анџелес Тајмс)