Рекорден раст на цените на производителите во Германија

Растот на цените на производителите во Германија се искачи на ново рекордно високо ниво во мај, поттикната од цените на енергијата, покажуваат податоците на германската статистичка канцеларија Дестатис во понеделникот.
Производните цени на годишно ниво скокнаа за 33,6 отсто во мај, од 33,5 отсто во април. Претходно се проценуваше дека во мај повторно ќе порасне за 33,5 отсто.

Ова е загрижувачко бидејќи цените на производителите се добар показател за потрошувачките цени.

На месечно ниво, производствените цени се зголемија за 1,6 отсто, по растот од 2,8 отсто во април. Економистите прогнозираа раст од 1,5 отсто.

Цените на енергијата во целина пораснале за 87,1 отсто во однос на истиот месец лани. Ако се исклучат цените на енергијата, производствените цени би се зголемиле за 16,5 отсто.

Од останатите компоненти во индексот на цените на производителите, се издвојува скокот на цените на суровините за 25,1 отсто.

Цените на нетрајните производи за широка потрошувачка се зголемени за 14,7 отсто, а на трајните производи за 9,4 отсто.

Цените на капиталните производи пораснаа за 7,1 отсто, што е најголема годишна промена од септември 1975 година.