(Видео) Реконструкција на улицата „Боца Иванова“ во Бутел

 

Од денеска почна реконструкцијата на улицата „Боца Иванова“ во Општина Бутел, која ја поврзува со Општината Шуто Оризари.

Екипите на Град Скопје од денеска ја реконструираат улицата „Боца Иванова“, во општината Бутел, на потегот од кружниот тек до улицата „Лазар Трповски“. На оваа делница со должина од 800 метри ќе се обнови коловозот, а ќе се нивелираат и постојните шахти и сливници.

– Оваа улица, заедно со улицата Лазар Трповски, чијашто реконструкција ќе биде изведена исто така до крајот на годинава, се исклучително фреквентни улици. Тоа се улиците кои водат до влезовите на градските гробишта „Бутел“ и кои ги спојуваат општините Бутел и Шуто Оризари, што ја чини потребата од нивна реконструкција повеќе од неопходна – рече градоначалникот на Скопје, Петре Шилегов.

СЕ РЕКОНСТРУИРА УЛИЦАТА БОЦА ИВАНОВА, ВО БУТЕЛ

СЕ РЕКОНСТРУИРА УЛИЦАТА БОЦА ИВАНОВА, ВО БУТЕЛОваа улица, заедно со улицата Лазар Трповски, чијашто реконструкција ќе биде изведена исто така до крајот на годинава, се исклучително фреквентни улици. Тоа се улиците кои водат до влезовите на градските гробишта „Бутел“ и кои ги спојуваат општините Бутел и Шуто Оризари, што ја чини потребата од нивна реконструкција повеќе од неопходна. За потсетување, годинава реконструиравме и дел од улицата Александар Урдаревски која се наоѓа во непосредна близина, а во тек е изградбата на втората фаза од булеварот Босна и Херцеговина. Булеварот Христијан Тодоровски Карпош веќе неколку месеци активно го користат нашите сограѓани од северниот дел на градот кои сега благодарение на овој булевар побргу стигнуваат и до обиколницата и до централното градско подрачје.

Posted by Петре Шилегов on Понеделник, 31 август 2020

Тој потсети дека, годинава реконструиран беше дел од улицата „Александар Урдаревски“ која се наоѓа во непосредна близина, а во тек е изградбата на втората фаза од булеварот „Босна и Херцеговина“.

– Булеварот „Христијан Тодоровски Карпош“ веќе неколку месеци активно го користат нашите сограѓани од северниот дел на градот кои сега благодарение на овој булевар побргу стигнуваат и до обиколницата и до централното градско подрачје. Во таа насока пристигнуваат мноштво позитивни реакции од многу наши сограѓани кои живеат во овој дел од Скопје – рече денеска градоначалникот Петре Шилегов.

Вредноста на договорот за реконструкција на улицата „Боца Иванова“ е речиси 7 милиони денари со вклучен ДДВ, а рокот за изведба е 25 дена.