Лондон има 875.000 жители со повеќе од еден милион долари, повеќе отколку Њујорк

Лондон го надмина Њујорк според бројот на доларски милионери и стана прв град во оваа категорија во светот, според годишното истражување за најбогатите луѓе во светот од страна на агенцијата за недвижнини „Најт Френк“.

Речиси 875.000 граѓани на Лондон имаат по повеќе од еден милион долари, јави Гардијан.

Тоа практично значи дека секој десетти жител на главниот град на Велика Британија е милионер, што покажува дека постои голема разлика меѓу жителите, бидејќи повеќе од 2,5 милиони граѓани на Лондон живеат во сиромаштија (28 проценти), покажаа владини податоци.

Извештајот од студијата покажува дека 874.354 луѓе имаат недвижен имот, вредности и пари кои надминуваат еден милион долари, додека во второпласираниот Њујорк има околу 820.000.