Реал поразен во Мајорка, се подалеку од одбрана на титулата

Реал Мадрид е поразен со 1:0 на гостувањето кај Мајорка во натпреварот од 20. коло на шпанскиот шампионат. Натпреварот го реши со автогол Начо Фернандез во 13. минута. Реал сега заостанува пет бода зад лидерот Барселона која има и еден натпревар помалку.

Реал мечот го започна без повредените Карим Бензема и Едер Милитао, потоа на загревањето се повреди првиот голман Тибо Куртоа, а во воведниот дел на клупата по одлука на Карло Анчелоти се најдоа Лука Модриќ и Тони Крос. На Реал не му одеше најдобро со ваквата распределба на силите.

Во првото полувреме двете екипи не упатија ниту еднаш удар кон голот на противникот, па несреќната одбиена топка од глава на Начо Фернандез беше единствената реална закана за гол во тој дел. 

Реал последен пат одигра натпревар без шут кон противничкиот гол во септември 2021 година против Виљареал, а сега тоа го направи повторно по речиси година и половина. Поточно, првиот удар кој тргна во правец кон голот на Мајорка го упати Марко Асенсио од белата точка во 60. минута. Тој шутираше во долниот лев агол на Предраг Рајковиќ, а тој удар го одбрани српскиот репрезентативен голман.

Тоа беше единствениот удар на Реал кон голот на Мајорка. Имаше вкупно 20, со 74 проценти од топката. Мајорка исто така имаше само еден удар кој влезе во мрежата. Модриќ заработи жолт картон поради прекршок во 81. минута.

Инаку, Модриќ стигна до својот 439. настап во дресот на клубот, со што го надмина Роналдо, со кого го делеше 19. место на вечната листа на Реал со 438 официјални настапи. Вреди да се напомене дека само тројца странци во историјата на Реал Мадрид имаат повеќе настапи од Модриќ и тоа Бензема со 607, Марсело со 546 и Роберто Карлос со 527.